You are currently viewing საქართველოს საელჩო ისრაელში მყოფ მოქალაქეებს აფრთხილებს

საქართველოს საელჩო ისრაელში მყოფ მოქალაქეებს აფრთხილებს

ისრაელში საქართველოს საელჩო ამ ქვეყანაში მყოფი საქართველოს მოქალაქეების საყურადღებოდ განცხადებას ავრცელებს.

საელჩოს ცნობით, კორონავირუსით გამოწვეული ინფექციის გავრცელების თავიდან აცილების მიზნით, ისრაელის მთავრობამ 6 ივლისს ახალი შეზღუდვები დაამტკიცა.

საელჩო მოქალაქეებს მიმართავს, გაითვალისწინონ, რომ დაიხურა სადღესასწაულო დარბაზები, ბარები, ღამის კლუბები, სპორტული დარბაზები, საცურაო აუზები და საკონცერტო დარბაზები.

იაფი ავიაბილეთები


რესტორნებში დამსწრეთა რაოდენობა 20-მდე შეიზღუდა, ხოლო ღია და დახურულ სივრცეში ნებადართული ზღვარი 30 ადამიანს შეადგენს.

ისრაელი სრული კარანტინის რეჟიმის დაწესების ზღვარზეა, – განაცხადა ისრაელის პრემიერ-მინისტრმა, ბენიამინ ნეთანიაჰუმ.

ბოლო მონაცემებით, ეპიდემიის გავრცელებიდან დღემდე ისრაელში კორონავირუსის 30 162 შემთხვევა დადასტურდა, ხოლო 332 ადამიანი გარდაიცვალა.